西藏的照片, 兒時的照片, 貓、狗、鳥，照片新上載，請到 http://www.flickr.com/photos/irenespeaking/ 參觀，請不要怪小妹寫的Caption太慢就好。

怪獸放暑假，在家中。

怪獸媽在上班，閒時致電回家慰問/打探/突擊怪獸在家中的情形，乃正常不過之事。

怪獸媽：「桐桐，點呀？你今日乖唔乖呢？」(註：十個媽媽有十個都會每天重複在電話問同樣的問題，乃是不自覺的慣常行為)

怪獸：「你鍾意我乖咪乖，唔乖咪唔乖囉，乖唔乖呢D野，係大人定的，又唔係我話的，你鍾意啦。」

怪獸媽無言已對 ，雖然心裡亦非常應同怪獸的說法........真係估佢唔到。

 

星期日，怪獸一家回婆婆處吃晚飯，循例一家踏入家門，怪獸要看兒童台，怪獸媽立即溜去逛街，怪獸爸去逛書店。

婆婆從廚房走出來，只見怪獸一人，於是說：「你亞媽又去左街？真係係街生架咩！」

怪獸(非常嚴肅)：「婆婆，媽媽係你生架！」

三姨在此時已經笑死左。HAHAAAAAA.....